為期12日嘅帝制復辟 辮軍復辟

喺1917年府院之爭發生後，中華民國大總統黎元洪免去段祺瑞總理職務，而段祺瑞策動各省督軍宣布獨立，當時黎元洪就搵嚟督軍團首領長江巡閱使張勳入京調停，但原來當時張勳表面就以解散國會為調停條件，但暗地就搵咗定武軍三千人北上威脅北京。

辮軍復辟，又稱為張勳復辟，係指張勳同埋佢舊長官宗社黨黨人鐵良等清朝遺老一手策劃，喺民國六年7月1日，擁護12歲嘅溥儀喺北京復辟政變。由於張勳嘅定武軍係人稱辮軍，所以又叫做辮軍復辟。喺民國六年6月30日，張勳就同陳寶琛、吳炳湘、王士珍等召開「御前會議」，亦都即晚派兵佔據火車站、郵局，威脅黎元洪「奉還大政」，隨即就令到孫中山要發起護法運動出師討逆。

張勳以及康有為等人就擁立溥儀登基，並且提出咗「九章約法」，發布八道上諭。張勳呢次復辟以段祺瑞討伐而失敗，佢流亡到天津，而成場復辟就只係維持咗十二日，控制嘅範圍就只有北京城。